Պայմանագիրը մատակարարի և հաճախորդի միջև կնքված իրավական համաձայնություն է ապրանքների կամ ծառայությունների վաճառքի վերաբերյալ։
Պայմանագիրն ունի իրավական ուժ, քանի որ այն համապատասխանում է օրենքի պահանջներին և հաստատմանը։ Այն սովորաբար ենթադրում է ապրանքների, ծառայությունների, գումարի փոխանակում կամ նշվածներից որևէ մեկի խոստում։ Պայմանագրերի ցանկ մուտք գործելու համար անհրաժեշտ է անցնել Գլխավոր էջ > CRM > Պայմանագիր։
Ստեղծել պայմանագիր
Պայմանագիր ստեղծելու համար անհրաժեշտ է․
- Մուտք գործել պայմանագրերի ցանկ և սեղմել + Ավելացնել պայմանագիր կոճակը։
- Ընտրել հաճախորդ։
- Մուտքագրել պայմանագրի պայմանները։
- Սեղմել Պահպանել կոճակը։
Նշում։ Կողմի օգտատերը ձեր ընկերության այն աշխատակիցն է, ով կապի մեջ է հաճախորդի հետ։
Պայմանագրի կարգավիճակները
Պայմանագիրն ունի հետևյալ կարգավիճակները․
- Չստորագրված
Պայմանագիրը դեռ չի ստորագրվել հաճախորդի կողմից։ - Ակտիվ
Պայմանագիրը ստորագրվել է և գտվում է ժամկետում։ - Ոչ ակտիվ
Պայմանագիրը ժամկետանց է և այլևս վավերական չէ։
Գործառույթներ
Պայմանագրի ժամկետ
Այս բաժնում անհրաժեշտ է մուտքագրել պայմանագրի մեկնարկի և վերջնական ամսաթիվը, որի ընթացքում վերջինս վավեր է։
Ստորագրողի տվյալները
Այս բաժինը հայտնվում է, երբ նշվում է Ստորագրված է վանդակը, եթե հաճախորդը ստորագրել և ընդունել է պայմանագիրը։ Անհրաժեշտ է մուտքագրել պայմանագիրը ստորագրողի անունը և պայմանագրի ստորագրման ամսաթիվը։
Պայմանագրի մանրամասները
Այս բաժնում անհրաժեշտ է մուտքագրել պայմանագրի պայմանները Պայմանագրի պայմանները դաշտում, ինչպես նաև ստեղծել պայմանագրի ձևանմուշ։
Կատարման մանրամասները
Եթե պայմանագիրը պահանջում է մատակարարի կողմից որոշակի պարտավորությունների կատարում, ապա վերջիններիս մանրամասները անհրաժեշտ է գրանցել Կատարման պայմաններ աղյուսակում։ Անհրաժեշտ է․
- Մուտքագրել այն պահանջը, որը պետք է կատարվի։
- Մուտքագրել պահանջին առնչվող նշումներ։
- Նշել Կատարված է վանդակը, եթե համապատասխան պահանջը կատարվել է։
Պայմանագրի ձևանմուշ
Պայմանագրի ձևանմուշը պայմանագրի ստանդարտ նախագիծն է, առանց որևէ մանրամասների։ Պայմանագրի ձևանմուշ ստեղծելու համար անհրաժեշտ է մուտք գործել Գլխավոր էջ > CRM > Պայմանագրի ձևանմուշ։
Հղումներ
Եթե պայմանագիրը կցված է գործարքի հետ, ապա անհրաժեշտ է ընտրել գործարքի տեսակն ու կոնկրետ գործարքը։ Կցված փաստաթղթերն են․
- Գնառաջարկ
- Նախագիծ
- Վաճառքի կարգ
- Գնման պատվեր
- Վաճառքի հաշիվ-ապրանքագիր
- Գնման հաշիվ-ապրանքագիր
