Իրականացնել վաճառք POS Awesome - ում

POS Awesome -ը նախատեսված է մանրածախ առևտրի տարբեր ճյուղերի համար։ Այն հնարավորություն է տալիս իրականացնել ձեր վաճառքը արագ և արդյունավետ կերպով։

POS Awesome մուտք գործելու համար անհրաժեշտ է Կառավարման վահանակի ձախ սյունակում սեղմել POS Awesome։

Նշում: Մինչ վաճառքի իրականացումը համոզվեք, որ e-Mark - ն ակտիվացված է POS Awesome ում (Տես՝ e-Mark ապրանքների դրոշմավորման ավտոմատացված տեղեկատվական համակարգ)։

Վաճառել ապրանք

Վաճառքի ենթակա ապրանքները վաճառելու համար անհրաժեշտ է․

1. Անցնել POS Awesome էջ։
2. Սկանավորել 2D սկաներով ապրանքի ունիկալ Data Matrix կոդը։ Միևնույն ապրանքի բազմակի քանակի դեպքում անհրաժեշտ է սկանավորել յուրաքանչյուր ապրանքի եզակի Data Matrix կոդը։ Կոդը սկանավորելուց հետո տեղեկատվությունը ՀԴՄ սարքերի միջոցով ուղարկվում ՀՀ ՊԵԿ տեղեկատվական շտեմարան։

Նշում։

• Ապրանքի վերաբերյալ մանրամասն տեղեկությունները դիտելու համար անհրաժեշտ է ավելացված ապրանքի աջ հատվածում սեղմել սլաք պատկերակը։
• Ապրանքի քանակը փոփոխելու համար անհրաժեշտ է ավելացված ապրանքի աջ հատվածում սեղմել սլաք պատկերակը։ Այնուհետև աջ հատվածի պատկերակների օգնությամբ ավելացնել կամ նվազեցնել քանակը։
• Համապատասխան ապրանքը ավելացված ապրանքների ցանկից հեռացնելու համար անհրաժեշտ է աջ հատվածում սեղմել սլաք պատկերակը, այնուհետև սեղմել ջնջել պատկերակը։

3. Սեղմել Վճարել։

4. Ընտրել վճարման եղանակը` Կանխիկ, Իդրամ, Քարտ։

5. Սեղմել Հաստատել կամ Հաստատել և տպել կոճակները։

6. Սեղմել Չեղարկել վճարումը կոճակը, եթե ցանկանում եք չեղարկել ապրանքի վճարումը և վերադառնալ նախորդ էջ։

Ժամանակավոր կասեցնել և վերագործարկել վճարման գործընթացը

Եթե դուք արդեն սկանավորել եք վաճառվող ապրանքները, սակայն մինչ վճարումը իրականացնելը հարկավոր է սպասել, ապա դուք կարող եք ժամանակավոր կասեցնել վճարման գործընթացը։ Վճարման գործընթացը ժամանակավոր կասեցնելու համար անհրաժեշտ է․

1. POS Awesome էջում առկա ապրանքների ցանկում սեղմել այն ապրանքը, որը պատրաստվում եք վաճառել։
2. Սեղմել Պահպանել/Նոր կոճակը։
3. Սեղմել Պահպանված կոճակը։
4. Ընտրել պահպանված հաշիվ-ապրանքագիրը բացվող պատուհանում ընտրել համապատասխան մանրածախ գնորդին ում համար ժամանակավոր կասեցվել է վճարումը։
5. Սեղմել Ընտրել։

POS Awesome էջում ցուցադրվում է այն ապրանքների ցանկը, որոնց վճարումը կասեցվել էր։

Վերադարձ կատարել վաճառված ապրանքը

Վաճառված ապրանքը վերադարձ կատարելու համար անհրաժեշտ է․

1. Սեղմել Վերադարձ էջի աջ հատվածում։
2. Ընտրել վերադարձի հաշիվ - ապրանքագիրը (Select Return Invoice) բացված պատուհանում մուտքագրել ապրանքագրի ID-ն և սեղմել Որոնել։
3. Ընտրել համապատասխան ապրանքագիրը և սեղմել Ընտրել կոճակը։ Համապատասխան ապրանքները հայտնվում են էջի աջ հատվածում։

4. Սեղմել Վճարել կոճակը։

5. Եթե վճարումը կատարվել է վճարման մեկ տարբերակով սեղմել համապատասխան տարբերակի կոճակը։

6. Եթե վճարումը կատարվել է վճարման մի քանի տարբերակով սեղմել ցանկալի վճարման տարբերակը։

7. Սեղմել Հաստատել կամ Հաստատել և տպել կոճակը գործարքն ավարտելու համար։

Ստեղծել հաճախորդ

POS Awesome - ում նոր հաճախորդ ստեղծելու համար անհրաժեշտ է․

1. POS Awesome էջի Հաճախորդ դաշտում սեղմել + պատկերակը։
2. Բացված Ստեղծեք հաճախորդ պատուհանում լրացնել համապատասխան դաշտերը։
3. Սեղմել Հաստատել կոճակը։

Վաճառքն իրականացնելիս, համոզվեք, որ ընտրել եք համապատասխան հաճախորդին։ Հաճախորդ ընտրելու համար անհրաժեշտ է Հաճախորդ դաշտում որոնել համապատասխան հաճախորդի տվյալները կամ սեղմել սլաք պատկերակը և տրված ցանկից ընտրել հաճախորդին։